Tíðindi
Sjókovin fingið grein útgivnað í vísindaliga tíðarritinum Climatic Change
Granskarar á Sjókovanum hava saman við øðrum granskarum kanna, hvussu samskapandi tillagingarætlanir í mun til veðurlagsbroytingar kunnu gerast fyri fiski- og alivinnuna. Úrslitini eru útgivin í eini grein sum tíðarritið Climatic Change hevur latið út.
Ocean Cluster Faroes setir góðsku og hagreiðing av fiski á breddan
13. November skipaði Ocean Cluster Faroes fyri tiltakið um handfaring av fiski og avleiðingar fyri góðskuna. Á skránni vóru tríggjar framløgur, umframt at Unn Laksá greiddi frá útslitinum frá góðskumetingini, sum var gjørd á upprunaliga tiltakinum undanfarnu vikuna, sum var avbrotið orsakað av streymsliti. Ivan Hansen frá Vaðhorn greiddi frá hagreiðing og avleiðingum fyri góðskuna. Kristian Martin Petersen greiddi frá avbjóðingum og loysnum umborð, meðan Arni Petersen frá Heilsufrøðiligu Starvsstovuni greiddi frá um reglum um ráfisk, fyriskipanum um ráfiskakanningum og eygleiðingum hjá Heilsufrøðiligu Starvsstovuni.
Sjókovin á Vísindavøkuni 2020
Sjókovin luttók á vísindavøkuni 6. November, sum var í Kongshøll í Havn. Unn Laksá, verkætlanarleiðari, legði fram nøkur av úrslitinum frá nýútkomnu frágreiðingini um hvussu koronafarsóttin hevði ávirkað føroysku fiski- og alivinnuna. Høvuðsniðurstøðan var at góða tilbúgvingin í Føroyum hevði gjørt tað møguligt at halda framleiðsluna koyrandi, og at allarstørsta neiliga ávirkanin var á marknaðarviðurskifti, við vánaligum fiskaprísum og stongdum marknaðum. Fyrilesturin varð tikin upp og verður sendur í KVF seinni
Koronafarsóttin og føroyska fiski- og alivinnan: Framløga í Løkshøll
Mikudagin 7. oktober var framløga av frágreiðingini um ávirkanina av Covid-19 á føroysku fiski-og alivinnuna í Løkshøll í Runavík