Undirvísingartilfar

Klára tú at loysa eitt sjóvarsudoku við fýra verum, menniskja, kópi, høggusløkki og lunda?
Sjókovin hevur framleitt og givið út eitt sudoku, ið ber heitið; Sjóvarsudoku. Spælið er ætlað fólkaskúlanæmingum og er latið øllum føroysku fólkaskúlunum. Familjur eru vælkomnar at venda sær til okkara um tær eisini ynskja sær eitt eintak av spælinum.

Meira sæst um spælið her.

Í samband við Vísindavøkuna 2025 gjørdi Sjókovin eina føðinet villiniborg. Klárar tú at finna vegin gjøgnum hana?
Snildarráð: Hvør etir hvønn í einari føðiketu?
Royn teg við at taka føðinet villiniborgina niður her.

Í samband við Vísindavøkuna í 2025 gjørdi Sjókovin eina spurnarkapping. Ein framløga koyrdi á einum skíggja hendan dagin við ‘‘Visti tú’’ vitan, ið so kundi nýtast til at loysa spurnarkappingina.

Trýst á her fyri at taka spurnarkappingina niður og fyri at síggja framløguna.

Lundin leitar eftir føði til sína lundapisu. Tá lundin fer gjøgnum villiniborgina, hvussu nógvar nebbasildir fær hann til lundapisuna?

Tak villiniborgina niður her og royn teg.

Stuttfilmurin ‘‘Pápi mín er fiskimaður’’ er framleiddur av Marine Stewardship Council (MSC). Í sambandi við verkætlan um talgilt undirvísingartilfar um fiski- og alivinnuna, hevur Sjókovin fingið avtalu við MSC um rættindini at føroyska filmin til føroysk skúlabørn. Í filminum hugleiðir ein genta um havið, burðardygga fiskiveiðu og hvat tað inniber at vera fiskimaður. Filmurin sæst her.

Sjókovin, Nám og Tøkni hava framleitt serføroyskt undirvísingartilfar um burðardygga fiski- og alivinnu til náttúru og tøkni lærugreinina í fólkaskúlanum.

Talgilda undirvísingartilfarið liggur á heimasíðuni Sjófeingi.fo.

Les meira um tilfarið her.