Vakstrarforum - Sjókovin hevur verið við í tveimum av arbeiðsbólkunum

Løgmaður setti í februar 2021 Vakstrarforum, sum í hálvt annað ár skuldi arbeiða við møguleikum fyri virðisvøkstri í Føroyska samfelagnum. Endamálið er at birta upp undir burðardygga virðisøking í breiðari merking í føroyska samfelagnum, sum kann betra um og styrkja vælferðina í Føroyum langt inn í framtíðina.

Seks arbeiðsbólkar vóru settir og Sjókovin var partur av Havbólkinum og Grøna bólkinum. Hvør bólkur lat úr honum eina frágreiðing. Frágreiðingin frá Havbólkinum og Grøna bólkinum kunnu lesast við at trýsta á frágreiðingina niðanfyri.